დასაქმების ფორუმი
დღეს, ოზურგეთში , დასაქმების ხელშეწყობის სახელმწიფო სააგენტოს, ინოვაციებისა და ცვლილებების ინსტიტუტის, განათლების განვითარების და დასაქმების ცენტრისა და საქართველოს გაეროს ასოციაციის ორგანიზებით, დასაქმების ფორუმი ჩატარდა.
ფორუმის მიზანი ახალგაზრდების, იძულებით გადაადგილებული პირების, სამუშაო გამოცდილების არმქონე, ხანგრძლივი პერიოდის განმავლობაში უმუშევარი პირებისა და სხვა მოწყვლადი ჯგუფების დასაქმების ხელშეწყობა გახლდათ.
აღნიშნული ფორუმის ერთ-ერთი სტუმარი და მომხსენებელი გახლდათ ა(ა)იპ კოლეჯი ,,ჰორიზონტი"-ს დირექტორი ქალბატონი,ნანა ჯოლია, რომელმაც სამუშაოზე დაფუძვნებული სწავლების დანერგვის წარმატებულ პრაქტიკაზე ისაუბრა. სწორედ ამ მიდგომით, კოლეჯი ჰორიზონტის გორაბერეჟოულის ლოკაციაზე განხორციელდება მოკლევადიანი მომზადება- გადამზადების პროგრამები ,,ხეხილოვანი კულტურების დაცვა", ,,ვენახის გაშენება-მოვლა" და ,,მეღვინეობა"
ფორუმში მონაწილეობას 𝟑𝟎–მდე მცირე და საშუალო კომპანია იღებდა , რომლებიც ვაკანსიებს, დასაქმებისა და სტაჟირებისთვის წარადგენენ.
250 -ზე მეტმა სამუშაოს მაძიებელმა მიიღო მონაწილეობა ინტერაქტიულ სემინარებში, უშუალოდ გაესაუბრა დამსაქმებლებს და გაეცნო ვაკანსიებს.