კოლეჯი ,,ჰორიზონტი“ გურიის რეგიონში მდებარე ერთადერთი სახელმწიფო პროფესიული საგანმანათლებლო დაწესებულებაა, რომელიც წარმატებით ფუნქციონირებს რეგიონის სამივე მუნიციპალიტეტში, ამიტომაც თამამად შეიძლება ითქვას, რომ ადგილობრივებისთვის იგი განათლების ძირითადი კერაა, საიდანაც ისინი სწავლას, ახალი უნარების შეძენასა და კარიერას იწყებენ.

კოლეჯის სამივე კორპუსი სრულად არის აღჭურვილი თანამედროვე მატერიალურ-ტექნიკური სასწავლო ბაზით, რაც სტუდენტებს საშუალებას აძლევს სწავლის პროცესშივე აითვისონ თანამედროვე ტექნოლოგიები. ,,ჰორიზონტში“ ფუნქციონირებს უახლესი ტექნიკით აღჭურვილი სახელოსნოები, CISCO-ს აკადემიის ლაბორატორია და პროფესიული ტერმინოლოგიების ინგლისურ-ქართული ლექსიკონების ბიბლიოთეკა. ჩოხატაურში , გორაბერეჟოულის ლოკაციაზე ფუნქციონირებს ღვინის ხარისხის განმსაზღვრელი ლაბორატორია და ინოვაციური დისტანციური მართვის სარწყავი სისტემა. საინტერესო და ინოვაციურია მისი დისტანციური მართვის მექანიზმი, რომლის კომპიუტერსა თუ სმარტფონში ჩატვირთვის შემთხვევაშიც, ნებისმიერი ადგილიდან შეგვეძლება ვმართოთ სარწყავი სისტემა და დავაკვირდეთ რწყვის პროცესებს სადემონსტრაციო ნაკვეთებზე.

სასწავლო პროგრამების დანერგვა კოლეჯში კერძო სექტორის მოთხოვნებისა და მუნიციპალიტეტების სტრატეგიული განვითარების გეგმის გათვალისწინებით ხდება. ჩოხატაურის ლოკაციაზე, ძირითადად მიმდინარეობს პროგრამები სოფლის მეურნეობის მიმართულებით. რაც შეეხება ლანჩხუთის ლოკაციას, მისი მშენებლობა 2022 წელს დასრულდა და პირველი ნაკადი კოლეჯმა  2023 წლის საშემოდგომო მიღებისთვის 7 პროფესიულ საგანმანათლებლო პროგრამაზე მიიღო.

კოლეჯი ,,ჰორიზონტი“ ახორციელებს ადგილობრივ ბაზარზე ყველაზე მოთხოვნად და მაღალანაზღაურებად გრძელვადიან სადიპლომო პროფესიულ პროგრამებს:

ყველა პროფესიული პროგრამა შედგება თეორიული და პრაქტიკული კომპონენტებისგან, რაც სტუდენტებს აძლევს თეორიული ცოდნის პრაქტიკაში გამოყენების საშუალებას. ეს ყველაფერი სტუდენტებს ეხმარება შეძენილი უნარების განვითარებაში და კონკურენტუნარიან, კვალიფიციურ, შრომის ბაზარზე მოთხოვნად კადრად ჩამოყალიბებაში.

გრძელვადიან პროგრამებთან ერთად ,,ჰორიზონტი“ წარმატებით ახორციელებს მოკლევადიან მომზადება/გადამზადების პროგრამებს, რითაც ზრუნავს ზრდასრულთა უნარების განახლებასა და მათი კომპეტენციების განვითარებაზე. აღსანიშნავია ისიც, რომ ,,ჰორიზონტი“ ავტორიზებულია 18 მოკლევადიან მომზადება-გადამზადების პროფესიულ პროგრამაზე. მოკლევადიანი პროგრამების ასეთი მრავალფეროვანი არჩევანი ნამდვილად გამოარჩევს კოლეჯ ,,ჰორიზონტს“ სხვა საგანმანათლებლო დაწესებულებისგან.

კოლეჯი ,,ჰორიზონტი“ ახორციელებს უამრავ საგანმანათლებლო პროექტს, მათგან ერთ-ერთი ყველაზე წარმატებული გახლდათ ,,სკოლის მოსწავლეებში შრომის უნარების განვითარების პროგრამა“, რომლის მიზანი სკოლებში პროფესიული განათლების შესახებ ცოდნის დონის ამაღლება გახლავთ.