ჩოხატაურში, კოლეჯ ,,ჰორიზონტის" გორაბერეჟოულის ლოკაციაზე, ახალი მოკლევადიანი პროგრამს- ,,ხეხილოვანი კულტურების დაცვა" განხორციელება დაიწყო.

აღნიშნული პროგრამის შექმნის იდეა კერძო სექტორის წარმომადგენლებთან განხორციელებული ერთ-ერთი მორიგი შეხვედრის დროს წარმოიშვა . ,,დიაგნოსტიკური ცენტრის" თანმშრომლობით “ხეხილოვანი კულტურების დაცვა“ მოკლევადიანი პროგრამის განხორციელების შესაძლებლობა შეიქმნა . გურიის რეგიონისთვის სოფლის მეურნეობის დარგს 56.2% წილი უჭირავს, კოლეჯს კი აღნიშნული მიმართულების საგანმანათლებლო პროგრამების, მათ შორის მეხილეობის მოდულური პროგრამის ეფექტურად განხორციელების გამოცდილება გააჩნია. ამასთანავე , უაღრესად მნიშვნელოვანია საჯარო-კერძო პარტნიორობის ფორმატში პროექტების განხორციელება, შესაბამისად, აღნიშნული პროგრამების განხორციელება ორმაგად მნიშვნელოვანია რეგიონისთვის.

საგანმანათლებლო პროგრამის შემუშავების პროცესი უზრუნველყოფილი იყო პროექტის „უნარები დასაქმებისა და თანამშრომლობისათვის, პერსპექტივები საქართველოს რეგიონებისთვის SECTORs“ მხარდაჭერით, რომელიც ხორციელდება ევროკავშირის ფინანსური დახმარებითა და საქართველოს ფერმერთა ასოციაციის კოორდინაციით.