კოლეჯ ,,ჰორიზონტს" ჯარას თაფლის აღჭურვილობა, ჯარას სკები და ფუტკრის ოჯახები გადაეცა
ჯარას მეფუტკრეთა ასოციაციამ კოლეჯ ,,ჰორიზონტს“ ჯარას თაფლის აღჭურვილობა, ჯარას სკები და ფუტკრის ოჯახები გადასცა. ეს ძალიან მნიშვნელოვანი შენაძენი, სამომავლოდ, ხელს შეუწყობს მეფუტკრეობის პროფესიული პროგრამის დანერგვა/განხორციელებას.
ჯარას მეფუტკრეობის სწავლების ინტეგრირებას პროფესიულ კოლეჯებში მხარს უჭერენ განათლების ხარისხის განვითარების ეროვნული ცენტრი და დარგობრივი უნარების ორგანიზაცია „აგრო დუო“.
ჯარა, ტრადიციული ველური მეფუტკრეობა, რომელიც უნიკალურ და სუფთა თაფლს აწარმოებს, იშვიათია და საქართველოს სუბტროპიკული და ალპური ზონის რამდენიმე სოფელში, ძირითადად მაღალმთიან აჭარაშია შემორჩენილი. „ჯარას მეფუტკრეთა ასოციაცია“ ჯარას მწარმოებელთა ინტერესების დასაცავად 2018 წელს დაფუძნდა. პირველად საქართველოში, აჭარაში ოცდასამი ჯარას მეფუტკრე გახდა ბიო სერტიფიცირებული. მეტი ინფორმაცია ჯარას შესახებ იხილეთ ბმულზე: www.jarahoney.com
საქართველოში ჯარას მეფუტკრეობის აღდგენას და გაძლიერებას მხარს უჭერს შვეიცარიის განვითარებისა და თანამშრომლობის სააგენტოსა (SDC) და ავსტრიის თანამშრომლობის სააგენტოს (ADA) მიერ დაფინანსებული მერსი ქორფსის „კავკასიის ალიანსების პროგრამა“ (ALCP)
.
