კოლეჯ "ჰორიზონტში" რეგისტრაცია 28 აპრილიდან დაიწყება! ამ მნიშვნელოვან ეტაპს წინ აქტიური პროფორიენტაციული კამპანია უსწრებს, რომელიც მთელი რეგიონის მასშტაბით მიმდინარეობს. ჩვენი კოლეჯის პროფორიენტაციისა და კარიერის დაგეგმვის მენეჯერი, პროფესიულ მასწავლებლებთან და ადმინისტრაციის წარმომადგენლებთან ერთად, პროფორიენტაციულ ვიზიტებს ატარებს მობილური ჯგუფების ფორმატში.
წელს სიახლეც შევმატეთ პროცესს!
მობილურ ჯგუფს კოლეჯის პროფესიული სტუდენტები და კურსდამთავრებულები შემოუერთდნენ. ამ ინოვაციური პროექტის მიზანია, ჩვენი პროფესიული სტუდენტებისა და კურსდამთავრებულების ჩართულობით თანატოლებისთვის გავხადოთ ინფორმაცია კიდევ უფრო ხელმისაწვდომი და ინსპირაციული.
სტუდენტები და კურსდამთავრებულები აქტიურად ერთვებიან პროფორიენტაციულ ვიზიტებში, სადაც დაინტერესებულ პირებს შესაძლებლობა ეძლევათ უშუალოდ მათგან მოისმინონ სასწავლო პროცესის, პროფესიული განვითარების და დასაქმების შესაძლებლობების შესახებ. ეს ქმნის ცოცხალ, რეალურ და დამაჯერებელ სურათს ,,ჰორიზონტში” განათლების მიღების მნიშვნელობისა და პერსპექტივების შესახებ.
გასულ კვირას ვესტუმრეთ ნასაკირალისა და მერიის საჯარო სკოლებს – სადაც პირველად კოლეჯის პროფესიული სტუდენტების მონაწილეობით ჩატარდა საინტერესო და ინტერაქტიული შეხვედრები.
გელოდებით კოლეჯ "ჰორიზონტი" – ადგილი, სადაც შენი მომავალი იწყება!
ელექტრონული ბიბლიოთეკა
სასარგებლო ბმულები
გამოგვყევით Facebook-ზე
მოგვწერეთ Messenger-ზე
ჩვენი არხი Youtube-ზე